Nyob zoo peb Hmoob saw daws! 

Kuv yog me nyuam yug tiam thib ib nyob rau teb chaw mekas no los ntawm kuv niam thiab txiv. Peb yog neeg tawg rog khiav ntawm ntu rog nyab laj tuaj rau teb chaw meskas no thaum 90 tawm ntawd. Kuv yog tus hlob ntawm kuv niam thias txiv 6 leej me nyuam. Kuv loj hlob los ntawm hmoob kev coj thiab ntseeg, thiab txuam nrog rau teb chaw meskas no txoj kev coj thiab kev kawm. Ziag no hmoob txoj kev coj los kuv tseem hwm, thiab meskas los kuv hwm ib yav.

Lus hmoob yog cov lub thib ib ntawm kuv. Kuv tsis paub lus meskas txog thaum kuv mus pib kawm ntawv tom tsev kawm ntawv. Txig li ntawd los kuv mam li paub lus meskas, ces kuv mam li pab tau kuv niam thiab txiv txhais lus thiab cov kwv tij neej tsa uas tsis tau paub lus meskas zoo.

Kuv loj hlob los ntawm ib tsev neeg uas tsis muaj nyiaj. Kuv tau pab kuv tsev neeg ua teb zaub thiab coj mua muag taj laj tshav puam. Txhua txhua tag kis hnub Saturday ce tau sawv ntxov ntxov nrog kuv niam mus muag farmer’s market. 

Cov neeg meskas lawv siab zoo lawv tuaj txhawb, tuaj pab yuav peb tej zaub  ua rau kuv xav tias teb chaw no yog kuv lub teb chaw ib yam lawm thiab no. Kuv txawm nyob qhov twg los kuv xav ua qhov zoo rau saw daws es kom peb txhua tus muaj kev kaj siab thiab nyob zoo li qho ntawd yos yus lub tsev thiab yus lub teb chaw.

Kuv tuaj rau Oregon no yog tuaj kawm ntawv rau lub tsev kawm ntxwv qib siab Willamette University College of Law. Kuv ib txwm xum cais kev coj thiab kev cai nyob rau hauv yus lub zos thiab ua qhov zoo rau peb cov neeg kom muaj kev kaj siab thiab noj qab haus huv. 

Kuv tu txiv thiab kuv wb nyiam raug lub rooj thib 6 (Ward 6) vim thaj chaw no tseem muaj chaw ua tsev tshiab thiab tab tom ua ib cov tsev tshiab ntxiv. Wb kuj xaub tau ib lub tsev ua tu nqi wb kuj them taus thiab. Ib qho zoo ntawm Ward 6 no yog wb nyob rau nruab nrab ntawm txhua yam mus rau ntawm Fred Meyer ob peb nas this xwb thiab lab noj mov, thiab taj laj txhua yam nyob ntawm txoj kev Lancaster thiab ho zeze rau hauv downtown Salem. Kuv xav tias 95% mus ncig lub zos Salem xwb ces tsis muaj qhov kuv yuav poob zoo tau. 

Ward 6 muaj ntau yam zoo lawm, tiam sis kuv pom tshuav ib qho ua kuv xav tias tsis tau zoo txaus—nws yog cov neeg taug kev, hla kev thiab tsav tsheb. Kuv twb tau hai rau Ward 6 ib zaug lawm tab sis zoo li lawv tsis saib xyuas thiab tsis pab kho kom zoo li qhov kuv hai. Kuv thiaj li coj mus hais rau cov coj ntawm peb koog tsev no kom paub txog es sib pab mus hais kom Ward 6 paub thiab kho rau. Ces kuv thiaj paub cov neeg nyob ib ncig ntawm kuv no. Kuv thiab paub tia saw daw puav leej muaj kev txhawj xeeb ib yam li kuv. Tsis tas li ntawd lawv tseem muaj lwm yam kev txhawj txeeb ntxiv thiab.  Txij ntawd los kuv thiaj xav tias kuv yuav tsum tau mus leg txoj hauj lwm no.

Tam sim no tsis muaj neeg los tuav Ward 6 lawm. Pej xeev muaj kev nyuab siab los tsis muaj tus mloog thiab los kho. Yog li kuv thiaj xav tias kuv yuav tsum tau los leg txoj hauj lwm no. Vim li ntawd kuv thiaj li khiav los ua ib tug tuav ntawm Ward 6.